उ महिन से झुठा बाचा, करल टब् मै रोईनु।
महिन अन्टे ठाउँ, सरल टब् मै रोईनु।
गोडमेल कर्के बह्रराईल, पहुंराइल उ फुला।
बिना फुल्ले टेम्रिमे जब, झरल टब् मै रोईनु।
अपन ज्यान से फे प्यारी, मनै इहे चिटामे।
काठिक् उप्पर आगिले, जरल टब् मै रोईनु।
जिहिन हे मै बिश्वास करुं, उहे मनै घेंचामे।
चोख्लार छुरिया मुंडार, ढरल टब् मै रोईनु।
छोटे से गुहमुट कहारके, बह्रराईल उ छावा।
बर्वार हुके महिनसे खुब, लरल टब् मै रोईनु।
"